唔恨再奪視帝 鄭嘉穎︰想未攞過嘅演員拎

　　【晴報專訊】無綫台慶劇《星空下的仁醫》即將大結局，昨日一眾演員到紅磡出席宣傳活動，嘉穎在劇中的表現獲劇迷大讚，有望再奪視帝；惟他坦言不渴望再拎獎，反而希望讓其他未曾拎視帝的演員奪獎，會比他再拎獎更有意義。

 

嘉穎慶幸遇上鍾嘉欣這些有經驗的對手。

 

　　鄭嘉穎於劇集《星空下的仁醫》與拍檔鍾嘉欣擦出默契與火花，前晚一集交代嘉欣因診症時感染病毒，以致BB胎死腹中，而深愛她的嘉穎不想嘉欣自責，遂偷改醫療報告，承擔一切責任，期間兩人失控痛哭，戲味十足，讓不少網民大讚。嘉穎昨日出席活動，感激大家支持，並透露拍攝爆喊場面時，會要求一take過拍攝，他解釋︰「因為第一take嘅眼淚同感覺係最真，我會要求近鏡拍，如果唔得最多都係兩take，如果要拍到第三take畀人感覺就係『做』出嚟。」

 

嘉穎的醫生形象深入民心，大受小朋友歡迎。

 

　　至於對再奪視帝是否有信心？嘉穎謙稱︰「呢個我唔諗啦，今年Shaun（譚俊彥）演得好好，仲有《拳王》嘅張振朗，淨係睇佢操肌咁辛苦都值得攞啦。我希望未攞過嘅（演員）拎，可能會改變佢哋一生，比起我拎更有意義。」

 

羅子溢寧返工唔湊女

 

羅子溢透露已為女兒報名返學，並已獲取錄。

 

　　另外，同場的羅子溢（前名羅仲謙）在劇中疑違反專業操守遭除牌，但他透露會是happy ending，更甜笑謂︰「我覺得現實生活比劇情更加美滿，簡直係父慈女孝！」談到愛女「小珍珠」已經歲半大，子溢大呻︰「佢好百厭，古靈精怪又唔肯食嘢，啲曳嘢學晒我。湊住佢真係好攰，我寧願返工好過。」曾多次表明想追多個的子溢，直言仍要「聽天由命」，但首先要多請一個工人姐姐，他說︰「依家請工人好難，我每個星期一朝早起身撳電腦，想訂隔離酒店，但無一次成功。」但由於他明年將全力在內地發展，似乎要爭取時間造人，子溢即笑謂︰「最緊要成功撳到電腦先。」

 

轉載自: 晴報

• 

【你點睇？】皇馬巴塞傳奇表演賽爆簽名會風波，26人買涉$20萬套票僅見部份球星15分鐘，你認為事件哪方須負較大責任？► 立即投票