譚俊彥為拍海報激減17公斤 張振朗預告爆肌身形無下次

　　【晴報專訊】張振朗昨日宣傳即將播出的台慶劇《拳王》，振朗早於劇集開拍前一年已開始操肌，見宣傳照中的他身形勁fit！惟昨日重提振朗的肌肉時，他即笑謂爆肌身形不再，更直言未必再有下次，因為操練過程實在太辛苦。

 

振朗為拍《拳王》密密操fit，但現時已沒有了爆肌身形。

 

　　張振朗、譚俊彥（Shaun）等昨日到商場出席宣傳活動，問在劇中爆肌演出的振朗，是否仍keep到一身肌肉？他笑謂︰「無晒啦，不過睇番啲宣傳片好感觸，拍劇嗰時嘅狀態同依家差好遠。」振朗又直言看到宣傳片及海報中的自己，都要記錄下來，他表示︰「可能一生人得一次，咁嘅狀態唔係咁易操得番，不過仲有好多其他角色可以試。」

 

Shaun看到振朗為增肌而不斷飲雞水，為他感到心痛。

 

　　提到Shaun客串演出《拳王》，振朗興奮說︰「開心可以同祥哥（黎耀祥）合作，亦開心包大人（譚俊彥）演我阿哥，我哋之間有一份感情。」Shaun則指，當初全因振朗才會答應客串演出，他更大爆自己只為拍攝一張海報而減磅，用四個多月激減17公斤；振朗聞言大表感動，並多謝「阿哥」幫他入戲。對於今年視帝被指是振朗與Shaun的兄弟之爭，Shaun謙稱︰「無得爭，個獎係屬於佢（振朗）！」振朗即互笠高帽，表示看好Shaun，又指能在頒獎禮上坐在一起，感受氣氛已相當不錯。

 

姚子羚幻想陳豪做老公

 

子羚直言劇中與黎耀祥有很多對手戲，甚有壓力。

 

　　同場的姚子羚在劇中會因亡夫而走進拳館世界，隨後與黎耀祥發展出曖味關係。子羚透露要依靠想像力來幻想「亡夫」︰「監製話呢個角色無演員做，我就想像佢係阿Mo（陳豪），因為劇本形容佢有品味、有錢又錫老婆。（無幻想係陳山聰？）山聰梗係唔得啦！」她又大讚電視圈的好男人首選非陳豪莫屬。

 

轉載自: 晴報

• 

【你點睇？】當局料聖誕新年期間逾1300萬人次出入境，較去年同期大增。你對本港聖誕新年市道是否有信心？會否出境旅遊？► 立即投票