視呂爵安為勁敵 MC張天賦對歌曲落榜感失望

　　【晴報專訊】各大樂壇頒獎禮舉行在即，對於早前有傳商台為打壓男新人大熱之一的MC張天賦，將其歌曲《記憶棉》強行落榜，以鋪路讓MIRROR成員呂爵安（Edan）奪獎。MC昨日出席活動時，對落榜一事表示失望，又直認視Edan為勁敵，但對奪獎仍充滿信心。

MC目前忙於籌備新歌及新專輯。

　　MC張天賦、陳凱詠（Jace）及倪晨曦等昨日到尖沙咀出席鞋履品牌活動，對於新歌《記憶棉》疑遭商台打壓而落榜，MC坦言感到失望︰「其實我都唔係好知成件事係點，惟有做好自己嘅音樂，其他嘢就交畀公司處理。（視Edan為新人獎勁敵？）一定係㗎啦，最近佢幾首歌我都好鍾意，加上佢啲fans非常強大，所以係好大嘅對手，但我對自己一定有信心。」

　　對於《記憶棉》打入叱咤「我最喜愛的歌曲」15強，MC感謝樂迷的投票，但他坦言很少拉票︰「做音樂嘅時候就已經當係拉票，至於攞唔攞到獎就以平常心看待。」MC最近頻頻出席公開活動，他直言少了休息時間︰「其實每日都有六至七個鐘瞓覺，但係我想有八至十個鐘（睡眠時間），不過自己有時做完嘢，返到屋企又掛住彈結他同打機，都要重新編排下作息時間。（目前單身應該有時間休息？）都唔係㗎，我都要多啲休息時間。」

陳凱詠緊張到腦抽筋

Jace笑言現時會盡量少說話。

　　此外，明日將舉行演唱會的Jace，開騷前仍密密出席公開活動，她坦言部分工作很早之前已安排好，所以現時要陰聲細氣說話，但心情非常緊張。Jace表示︰「因為係我人生第一次開兩場賣飛演唱會，開show前仲好認真去諗點樣做，反而個腦會抽筋，擔心好多無謂嘢；不過上到台我知自己會做得好好，全程投入去enjoy，都驚會開心到喊。」

轉載自: 晴報

【etnet 30周年】多重慶祝活動一浪接一浪，好禮連環賞！ ► 即睇詳情