【笑中有淚】道盡「扮工」精神！過年必定翻煲的10套經典賀歲片

5. 《唐伯虎點秋香》

 

　　扮工金句：「小子，從今天開始，你就是華府的低等下人，9527就是你的終身號碼。開始做事！」

 

 

　　雖然《唐伯虎點秋香》唔係賀歲片，不過喺新年嘅播放率都係非常之高，皆因佢成套戲笑點滿滿，包你笑到停唔到落嚟。

 

　　所謂「一入職場深似海」，唐伯虎（周星馳飾）為咗親近秋香，不惜投身華府做食物鏈嘅最低層，仲要一嚟就畀武狀元（梁家仁飾）施展一個下馬威，真係咪話唔用心良苦。不過佢嘅遭遇都帶畀大家一個借鏡，就係「扮工室」總係有一兩個old seafood揸住雞毛當令箭，恃住自己有多少少經驗，就以一副高高在上嘅口吻嚟命令你做嘢，不過「小薯」報仇十年未晚，有實力嘅就唔怕畀人睇低一線，所以喺呢啲關頭，最緊要係能屈能伸，明哲保身。

 

6. 《國產凌凌漆》

 

　　扮工金句：「就算係一張廁紙、一條底褲都有佢本身嘅用處。」

 

 

　　《國產凌凌漆》又係一套包笑到碌地嘅港產片，大家又點可以錯過？常常將豬肉刀掛喺身上嘅凌凌漆（周星馳飾），一直「匿藏」喺街市等待國家委以重任，雖然被人投閒置散咗成十年，但佢「呢啲咁出色嘅男人，無論喺邊度，都好似漆黑中嘅螢火蟲一樣，咁鮮明，咁出眾」，又點會一世被埋沒！所以話，做人千祈唔好妄自菲薄，平時仲要識得好好裝備自己，唔係有一日伯樂出現了，你呢隻千里馬已經跑唔郁！

 

Read More：【扮工室哲學】對2018年討厭的人與事微笑！與其抱怨，不如改變

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇

• 1
• 2
• 3
• 4
• 5