《開市Ｇｏｏｄ　Ｍｏｒｎｉｎｇ》香江魚缸終止兩連升。人民幣走弱及Ａ股偏軟下，最多跌逾２００點，低見１７６５９點，繼續於１００天線（約１７７５５點）附近爭持，指數已於保歷加通道頂部徘徊一段時間，成交未能配合下，大市難有大升空間？今日跌市係過去兩日連升後嘅技術性回調，定預示今輪反彈已見頂回落？宜等回調多少少再喺低位作部署？　　美團（０３６９０）收市後將公布第二季業績，預期經調整純利增長三成半至１０３億人仔，收入增長一成八至８０４億銀，純利增長就八成二。孖屐關注神州宏觀經濟環境不明朗下，核心本地商業業務能否保持韌性，及如何增加用戶廣告服務收益等，另外亦關注社區團購等新業務虧損可否進一步收窄，惟美團績前跌逾３巴仙，反映孖屐對業績未有太大期望？　　明天（２９日）《開市Ｇｏｏｄ　Ｍｏｒｎｉｎｇ》請來國農證券董事總經理林家亨，同大家分析上述股份、大市走勢，當然唔少得當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟　ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｕ＿Ｄｍ５０ｗｏｂｃＡ打個卡先又得！

【你點睇】特朗普勝出美國總統大選，你點睇未來數年的世界局勢？你認為中美關係前景會如何？► 立即投票