《開市Ｇｏｏｄ　Ｍｏｒｎｉｎｇ》神州去年經濟增長成功「保５」，三頭馬車數據方面，去年１２月社會零售銷售及規模以上工業增加值，按年分別增長３﹒７％及６﹒２％，都好過預期，反映神州去年推出嘅刺激經濟措施開始見效？全年固定資產投資繼續受內房拖累，當中房地產開發投資係有記錄以來最差，加上有國企背景嘅萬科（０２２０２），總裁祝九勝據報被公安機構帶走，內房流動性壓力再惹關注？　　　神州經濟數據及ＧＤＰ均勝預期，香江魚缸止跌回升，最多升１１７點，高見１９６４０，但受制於２０及１００天線，最終收升６１點，連升四日，全周累升５１９點。花旗國候任總統特朗普下周一將上任，加上農曆新年假期臨近，大市短期悶局難破？暫時指數於萬九點支持力度仍大？繼微信和淘寶後，京東（０９６１８）亦推「送禮」功能，股價升近半成，上望空間有幾大？　　　下周一（２０日）《開市Ｇｏｏｄ　Ｍｏｒｎｉｎｇ》請來香港股票分析師協會副主席郭思治，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得８：５５ａｍ　昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｌｉｖｅ╱２Ｕｈｙｆｔｚｊ１Ｎ４打個卡先又得！

【etnet 30周年】多重慶祝活動一浪接一浪，好禮連環賞！ ► 即睇詳情