• |
  • 極速報價
  • |
  • etnet專輯
    etnet專輯
  • 會員
  • 產品服務 / 串流版
  • 設定

02/08/2019

獨立調查委員會的考量

  • 馬天娜

    馬天娜

    畢業後第一份工就係返金鐘,在職場輾輾轉轉,又回到了起點,而金鐘更由當年嘅商業中心,變成為香港權力核心。身為金鐘人,最鍾意就係收盡權力核心外圍同內圍嘅風,識破所有政客嘅語言偽術。

    立會透視鏡

  先同讀者同《經濟通》編輯講聲唔好意思,Tina過去兩星期外遊,所以喺過去大半個月香港風雨飄遙嘅日子都未能供稿,真係深表歉意。喺外遊途中,Tina一直留意香港新聞,更收到唔少朋友Whatsapp,當朋友知道小妹外遊,劈頭第一句都係同我講:「呢個時間唔喺香港,你真係好彩。」的而且確,雖然係短暫離港,但外遊的確可以拋開因為亂局而帶來嘅壓抑情緒,抽離少少去睇返香港發生嘅問題。

 

  「反修例」活動發展到今時今日咁失控嘅情況,無人有水晶球預計得到,要解決現時嘅困局,有政圈人同Tina講,比起預計點樣發展更加困難。Tina不明所以,即時同呢位政圈中人講:「其實反修例人士嘅訴求,再加埋近期好多德高望重、地位非輕嘅人都不約而同提出,政府應該成立獨立調查委員會去調查成件事,咁咪可以等委員會用一年甚至兩年時間去處理,社會都應該可以平靜下來,其實唔係咁難呀?」

 

  政圈人搖搖頭道:「呢個先係最難搞嘅一環……」

 

  政圈人斷言,林鄭政府好早階段就已經將獨立調查委員會呢個方案上報中央,表明係要咁先可以解決當前香港困局,但中央早就落閘。落閘嘅原因估計有幾方面,第一個考量點,就係多個中央駐港機構都喺「反修例」之中有角色,包括中聯辦曾經叫齊人馬去西環接受「教育」統一愛國陣營口徑,要調查係唔係要搵埋中聯辦去見委員會?萬一委員會真係傳召西環,見同唔見都會引來一定政治風波,除非調查委員會係受到政府全面監控。但問題就係,呢個時勢成立調查委員會肯定無可能受到政府干預,變相得唔到保證之下,阿爺萬萬不能令到調查委員會成事。

 

  而從上周末港澳辦官員力挺香港警隊嘅言論亦可以理解得到,就算警隊喺今次事件上面有個別事宜真係做得唔好,阿爺亦一定係會保住執法者名聲,更加確認獨立調查委員會係無可能發生之事。

 

  較為次要嘅考慮點係,阿爺好可能認為反修例人士五大訴求根本無可能全部應承,就算只係應承成立獨立調查委員會,亦無人確保香港可以回歸安寧,既然係咁又何必拎石頭砸自己腳趾?

 

  咁香港自六七以來最大嘅亂局如何收科?呢位政圈人就話,你見林鄭乜都唔做,就知現時困局係幾咁惡搞,更嘆一口氣道:「除咗God bless HK,真係唔知可以講乜!」

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

【你點睇?】渣馬4名內地跑手被取消資格,4人同屬一個經理人,號碼布疑被調換,你認為主辦方應否酌情處理?► 立即投票

我要回應10

你可能感興趣

版主留言

我要回應

登入

發表回應

登記

成為新會員

回應只代表會員個人觀點,不代表經濟通立場

  • 只看作者回應
  • 查看全部回應
  • 順序
  • 倒序
  • sysg發表於 2019-8-6 04:22 PM
  • #11
  • 那些港英餘孽、漢奸走狗,會出來接受調查,
    解釋他/ 她們為何去見外國主子嗎?
  • 回覆 | 引用 | 舉報
  • sysg發表於 2019-8-6 04:07 PM
  • #10
  • 開玩笑,戴頭盔面罩黑衣人,敢出來接受調查嗎?
  • 回覆 | 引用 | 舉報
  • GreatChinese發表於 2019-8-6 11:32 AM
  • #9
  • 什么反修例都是借口!
    食粒旺角魚旦都可以革命。
  • 回覆 | 引用 | 舉報
  • 逍遙子發表於 2019-8-5 09:39 PM via mobile
  • #8
  • 至於示威黑衣人,也是整天掛在口中:
    政府沒回應我們的5個訴求,所以我們要出來!...
    其實他們已經等不及了,他們的目的跟什麼條例都無關,
    他們只是妄想“香港獨立“。
    要求成立獨立調查委員會的目的便是如上述網友所說:
    以為可以讓泛民反對派取得大部分的議席,便可為所欲為,便可控制政府!

    所以我們一定要出來投票,把港奸泛民陣營踢走!
    只有我們香港人自己才能救自己!
  • 回覆 | 引用 | 舉報
  • 逍遙子發表於 2019-8-5 09:25 PM via mobile
  • #7
  • 成日聽到: 政府冇“回應“,所以要出來遊行。
    真係對唔住!“回應“ 並不等於 “答應“。
    回應是等於答覆。
    政府早就答覆過所有的“訴求“。只不過沒答應那些訴求而已。
  • 回覆 | 引用 | 舉報
  • dingji發表於 2019-8-5 02:24 PM
  • #6
  • 10傳媒9個幾都係造新聞.
  • 回覆 | 引用 | 舉報
  • ac123發表於 2019-8-5 10:29 AM
  • #5
  • 你相信獨立調查?! 獨立如美國, 成立獨立委員會調查總統的通俄門, 結果呢? 查不到實質證據. 但有趣是當特總向全世界(包括自己盟友)發動貿易戰時, 就偏偏冇俄羅斯份. 點解?
  • 回覆 | 引用 | 舉報
  • 吡吡發表於 2019-8-3 09:35 PM via mobile
  • #4
  • 未來会点?獨立調查委员会必成立,泛民奪權必成功,暴动埸面必不用平都会即时息火,何解?權都已在調委会背後傳媒大佬手上,仲点会自己暴自己动呢?到时公、檢、法連同行政立法權力,通過調委会指派全港傳媒公告天下,真正一港一制完全切割同中央關系嘅局面,港台正式通奸並認做尾角契弟时代,在2020年前後一定出現…
    结局如何?中央已经预言,香港人再唔旗帜鲜明反暴自救,一國之內,香港人自己咁獨特泡制嗰制,必会全民爬街輪米,誰是港人真正施主,到时自己睜大眼睇啦!
  • 回覆 | 引用 | 舉報
  • 吡吡發表於 2019-8-3 09:25 PM via mobile
  • #3
  • 黑衣人不過係棋子,任何個人目的都唔會達到,背後當香港亂到唔可以再亂嘅時候,獨立調查委員會,舊稱革委會,就會被千呼萬喚始站出來做代理人,邊個入到革委会,都唔系最重要,重中之重,系革委会员要知掟,肯為佢地背後真正大佬奪走香港一切政治權力,到時香港公、檢、法乜權都要靠邊站!邊個至係背後大大佬?到時睇下革委會聽佢老美指派邊個最肥代理人支笛啦!

    中央面對咁形勢會點做?講咗啦!大家系咪冇聽清楚,國務院發言人講乜?一國兩制不动摇,即系人民內部矛盾不出兵,聽任兩制中嘅港制,自己人玩残自己人,到全港人POOR哂街人人要付出代價到負资産負到冇得再负时,中央自然會搞個民主中国救香港籌米表演歌唱大會,全港乞衣人到时邊個肯派米佢食,佢就算系乜大種乞衣,都自然知道邊個至係自己親人兼恩人架嘞!
  • 回覆 | 引用 | 舉報
  • 吡吡發表於 2019-8-3 09:23 PM via mobile
  • #2
  • 獨立調查委员会,有幾可怕?問下民主教宗陳日君,何解天主教会學校,佢会咁驚青,一口拒绝引入家長做校委?醫療界民主選出議员代表議政全社會問题,又何解咁唔怕醜,德高望重同行鬧爆,佢都要以小人之心去拒绝市民加入醫委呢?滿口民主自由良心公義,一諗到權力在手,系绝唔會自願同任何人分享架!
    林鄭成個團隊,又何解唔學得陳日君咁惡屎能登,一口拒绝調委会呢?無它,佢對政治問题,政治白痴囉!
  • 回覆 | 引用 | 舉報
  • 只看作者回應
  • 查看全部回應
  • 順序
  • 倒序
最緊要健康
精選文章
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ