• |
  • 極速報價
  • |
  • etnet專輯
    etnet專輯
  • 會員
  • 產品服務 / 串流版
  • 設定

27/08/2021

絕不是搞清一色?

  • 加入最愛專欄
  • 收藏文章
  • 馬天娜

    馬天娜

    畢業後第一份工就係返金鐘,在職場輾輾轉轉,又回到了起點,而金鐘更由當年嘅商業中心,變成為香港權力核心。身為金鐘人,最鍾意就係收盡權力核心外圍同內圍嘅風,識破所有政客嘅語言偽術。

    立會透視鏡

  政壇呢個星期新聞,圍繞住打麻雀術語「清一色」。先有愛國重量級元老盧文端打響頭炮,撰文指民主黨若果全面禁止成員參選將會死路一條;其後林鄭見記者時講返同一議題時亦都附和,話一個政黨不議政、不論政、不參政,就要質疑其存在價值,似乎都係有啲逼迫嘅語氣斥民主黨唔打算派員參選。正當大家覺得建制派都唔希望政壇「清一色」、應該會對泛民開一條生路嘅時候,噚日身兼資審委主席嘅政務司司長李家超就公布,鄭松泰過唔到資審委嗰關去做當然選委,仲即時DQ埋佢嘅立法會議席。「清一色」之說,再次浮起。

 

(資料圖片)

 

  鄭松泰被DQ的確幾令政壇吃驚,事關鄭雖然被標簽為「泛民」,但佢喺立法會嘅議事行徑都同泛民格格不入,包括唔會瘋狂拉布、唔會亂點人數、唔會點完人又離席等等令建制派恨之入骨嘅惡行,甚至佢無跟泛民總辭而獲得兩辦公開讚揚。所以今次被DQ,唔少建制派私底下都認為,鄭過去部分對基本法論述可能係死因之一,但觀乎過去一兩年行為,資審委對於鄭松泰真係嚴到過咗頭。

 

  一位較開明嘅建制派同Tina講,的而且確,DQ鄭松泰有啲令建制派主流意見跌眼鏡,對於「非清一色」論亦帶來幾負面嘅影響,「無可否認嘅係,現時政治氣氛之下,泛民嘅議政空間已經愈來愈細;班有心想選、又從未有過港獨主張嘅泛民人士,見到鄭被DQ,自然擔心自己過去一啲言行同埋泛民背景會唔會令到佢地一樣被DQ,減低佢地爭取出選從政嘅意慾,但我都相信,阿爺係唔想香港政治圈係清一色。

 

  但睇到鄭今次被DQ,大家會諗,唔係「清一色」的話,咁「混一色」又點樣混法?呢位建制派就話,如果以現時嘅力度,最大可能就係要所有泛民政黨大清洗,總之過去有過任何些微涉及港獨言論同行徑嘅人,都無可能出選到,只有一批「新血」,明確表明自己身在泛民、代表泛民,但堅決支持愛國愛黨愛港,理性反對政府提出嘅民生政策,絕對唔會係死罪。

 

  Tina不禁問佢:「咁同換張白紙入去無乜分別喎?」建制回應:「唔係白紙,係白板,夠晒乾淨,十二隻萬子加兩隻白板做眼,咪混一色囉!兩隻夠架喇,唔好多!」

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

【香港好去處】2025去邊最好玩?etnet為你提供全港最齊盛事活動,所有資訊盡在掌握!► 即睇

我要回應4

你可能感興趣

版主留言

我要回應

登入

發表回應

登記

成為新會員

回應只代表會員個人觀點,不代表經濟通立場

  • 只看作者回應
  • 查看全部回應
  • 順序
  • 倒序
  • 無住發表於 2021-8-30 05:19 PM via app
  • #5
  • 今時今日,香港人就是怕政府不作關門打狗,秋後算賬大清洗,而放生那些黑暴,漢奸,垃圾議員,讓牠們繼續禍害人間!
  • 回覆 | 引用 | 舉報
  • MTmk發表於 2021-8-30 10:12 AM via app
  • #4
  • 一個為了份糧扮乖巧的人,是民主的表現嗎?
  • 回覆 | 引用 | 舉報
  • 吡吡發表於 2021-8-29 01:48 PM via mobile
  • #3
  • 鄭虫大被DQ,同佢系乜党有乜關係?彼清一色愛國同此清一色裹应外合叛国被DQ,又有乜分别馬姑婆會唔識分?咁都可以寫政論?經濟通仲有條件做落去?
  • 回覆 | 引用 | 舉報
  • Nordost發表於 2021-8-28 10:56 PM
  • #2
  • 黃天娜小姐:

    鄭松泰著有《由本土民權到建邦立國》;鼓吹“全民制憲”;倒轉國旗 ....... 請問有邊個國家議會會接納如此的分裂國家份子?

    清一色?狄志遠又如何?聽聞亦有一些溫和但不知名的民主派入了閘。如何「清一色」了?

    不要同我講甚麼“容納不了不同政見”,叛國不是普通“政見”,是分裂國家行為,任何國家都不能接受。
  • 回覆 | 引用 | 舉報
  • 只看作者回應
  • 查看全部回應
  • 順序
  • 倒序
最緊要健康
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ