臨29+1先分手？

　　晚上近12點看到來電顯示，暗知不妙，她絕少這時候打來，會打來就代表有點事。

 

　　「我心情好差...同佢嘈分手。」她沉著聲說。

 

　　「吓？」我半秒間難以給反應。

 

　　他們是大學同學，一拍拖就拍了好幾年，無甚大事，下一步該是結婚的。

 

　　「今次大家都真係考慮分手，嗰吓我竟然打冷震...。」

 

　　「唔捨得分？」我努力接話。

 

　　除非你早有預謀，又或有另一位即時補上，不然分手那刻心真的會抖。

 

　　「我諗我係驚，分手之後點算。」

 

　　「有時諗如果問題唔大不如忍下算啦，都唔細啦，未必搵到另一個...。」她續說。

 

　　幾年的付出收不回，感情、回憶一樣都沒少，口說見壞就收，做得到嗎？結束不可怕，難在不只是walk away only，尤其當人愈大，時間、青春愈見寶貴， 浪費不起也輸不起。

 

　　她今年快將29+1，年齡是不想認終究要認的關口。

 

　　「你唔細啦喎，仲未有著落？」

 

　　「唔係嘛，3張啦，係時候搵個人定落嚟啦。」

 

　　「過多幾年過30都仲未嫁你就驚。」

 

　　「善意」的提醒愈大愈聽得多，愈聽愈有更難聽的，嘿，女人時刻在貶值呀。

 

　　單身又好、有拖拍未嫁的都好，女人過了25要知驚。而男人嘛，幾多歲照樣找個廿幾的女生是有心有力。所以29+1的她，鬧分手更加是在賭前程？

 

       他們之間是有些小問題，如果忍到可能能繼續走下去，這忍一忍可能是一世，不忍，隨時單身一世，怎麼揀？「降低吓你要求啦，仲咁揀擇咩。」、「唔細啦，宜家先分手？」，分手不只是相愛、性格的考量，要走也要想有沒有退路。年紀不少了，現在才分手，你肯定不後悔？

 

　　拍拖幾年都看不到終點，沒時間虛耗下去啦。舊的不去新的不來？她怕，年紀這回事真的會讓人卻步，前路茫茫呀喂。原有的圈子無新血，會喜歡的早就發展了，不會揀的，別人也未必看上你。找下個，哪裡找？可能要單身要孤獨要做剩女？還未計「親戚朋友」有夠多說話讓你有排享受。分手？不如算啦。

 

　　一起或是分手，有幾多是愛，幾多是眷戀，幾多是怕自己從此單身一人？算一算年紀，原來分手要敢也要賭，需要勇氣的。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇