遇上玩家最緊要走得快

　　遇上玩家，除非你都是玩家一名……。

 

　　「我係有諗過同佢發展……」

 

　　「你諗吓好啦。」我認識她口中的他，反正不是好東西。

 

　　多年後重遇，他外型依然吸引，時間為他添了男人味兼幾條皺紋，是會讓人動心。

 

　　「我以為佢只係鍾意flirt，原來佢明知有個舊同學對佢有意思，哄完人one night stand之後四圍唱。」

 

　　「食完仲要唱，呢吓無敵喎……」

 

　　你情我願怪不了誰，但做男人要有品，過後宣揚開去，很威麼？這種人再吸引都不能碰，除非你開心就得，連自己的名聲都不顧。

 

　　「佢呢啲爛人唔駛諗啦。」我覺得明知是火坑，為甚麼要跳。

 

　　「佢有暗示過呢排悶，問我有無興趣發展下……causal relationship。」

 

　　玩家哪有樣睇，又型又帥的令你色迷心竅，生得平凡也讓你卸下防備，而他很明顯的不掩飾自己，明刀明槍開口要求無責任的關係，願者上釣啦。

 

　　她對他有期待，以為多年後相遇會有機會發展下去，但幻想好啦。聽完對方情史、性史……還有不盡早斬纜的理由嗎？要知道有些人就是死性不改，本性難移，除非你打算一齊玩，否則請戒掉不切實際的幻想，以為戀愛大過天，以為自己是特別的一個能夠改變對方……別傻了。

 

　　「趁你未有太投入，好快啲走啦，對住玩家要閃得快囉。」我的忠告只有這個。

 

　　貪玩的人不會為誰而停，世界依然很大很好玩，這刻的溫柔體貼、情深款款，只因你是其中一件玩具，不哄你，騙誰？！

 

　　遇上玩家，明知本性如此，哪有甚麼應對招數，離場趁早吧。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

想要獨家投資理財Tips？即Like etnet 全新Facebook專頁► 立即讚好