一所學校的通識課，黃老師找來了自己友政客，參與同學討論政府運作，東拉拉，西扯扯，是有意或有心，扯上了警方買水炮車。政客和老師問大家，知不知道警方要買三部水炮車。大部分同學一臉茫然，在有一、二人說「知」的情況下，大家都點頭附和說：「知。」黃老師：「大家知唔知水炮車用來做甚麼的？」同學：「唔知！」

 

　　政客馬上趁機解釋水炮的威力，五米內水力達每秒320磅，十米內又280磅等等，同學們一臉「唔知你講乜」。

 

　　黃老師和政客互望一眼，改變策略。「大家有無見過洗街車用那些強力水喉？」「有。」「我知我知，我媽媽係水喉槍手，啲水好勁㗎！」政客：「咁用呢啲水喉射人會點㗎？」

 

　　「唓，邊有用嚟射人㗎？」「啲人好小心，唔會濕到人。」「水喉洗街，噴走垃圾啫。」「我知我知，我見過喺後巷，有阿叔用水喉射曱甴，嘩，好多曱甴，全部射走晒，好犀利。」「唓，好叻咩？我仲見過有隻肥老鼠想走，畀人用水射到反轉，幾過癮呀，哈哈。」

 

　　黃老師：「咁殘忍，虐畜！如果啲人被水咁射，好似老鼠、曱甴咁，你話啱唔啱？」

 

　　「老鼠、曱甴又唔係人！」「都話唔會射濕人囉，我阿媽好小心㗎。」「乜甴曱唔係昆蟲咩，點算虐畜呢？」「嘩，Missy，有曱甴呀！」黃老師嘩一聲跳起來，同學們大笑。「Missy怕曱甴喎！」

 

　　「我知，Missy係話，如果有人用水槍射走啲阻住人返學，等人去唔到醫院睇醫生，又搞到人返工遲大到嗰啲垃圾人，點睇喎？」「哦，嗰啲衰人？我阿爸阿媽好憎佢哋㗎，Missy，你幫佢哋呀？」「唓，無咗啲衰人，幾好呀。」「射走啲曱甴垃圾？我想睇呀，邊度有得睇呀？」

 

　　有同學插嘴：「哈哈，我知道邊個唔想人射走啲曱甴。黑超特警嗰個外星人最憎人踩曱甴，因為佢其實係隻大曱甴，好核突㗎。」「我都有睇過。」「我無睇過，無線幾點有得睇？」

 

　　下堂鐘聲響起。「OMG（Oh My God）！」黃老師和政客望著一班童言無忌的學生，額頭開始滴汗。

 

轉載自: 晴報

• 

【你點睇】港府本年度已錄逾2千億元赤字，有議員指或難符基本法力求收支平衡之規定。你認為當局應如何解決財政問題？► 立即投票