摩迪剪短髮會跌watt？

　　四年一度嘅世界杯今晚深夜終於開波了，之後成個月，我將進入巴西時間，同香港有11小時嘅時差，大家係日頭將唔會搵得到我。不過，我相信將個鐘調到巴西時間的又點止得我。如果真係有人睇足64場，我覺得佢嘅成就同贏世界杯差唔多！

未開波前，先穿巴西波衫歎美食。

　　揭幕戰戲碼係A組嘅東道主巴西迎擊克羅地亞，其實都好有話題性。話說克羅地亞係被稱為「歐洲巴西」，以小組組織和多技術型球員見稱。雖然今屆大牌球員就唔算多，最出名都係將離開拜仁慕尼黑的前鋒文迪蘇傑（因外圍賽領紅，揭幕戰被罰停賽）同變咗短髮嘅皇家馬德里中場摩迪。

　　可能因為我係女生，所以比較留意球星嘅髮型。我有個迷信嘅想法，話說好似艾迪巴約、費蘭度托利斯、盧卡古等球員一剪短髮即時跌watt。摩迪剪到咁短，會唔會因為一時唔慣，而同樣跌watt呢？！

轉載自晴報

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【你點睇？】當局料聖誕新年期間逾1300萬人次出入境，較去年同期大增。你對本港聖誕新年市道是否有信心？會否出境旅遊？► 立即投票