同情伊度奧

　　C朗拿度有一班令佢頭痛的葡萄牙隊友，但相比起伊度奧的隊友，簡直只是小巫見大巫！喀麥隆是在今屆世界杯32強入面，最令我失望的球隊，第一場負墨西哥0︰1已經踢得好唔積極，第二場吞克羅地亞四蛋，提早出局的表現更是一盤散沙，桑治打人領紅都已經過分，伊高圖與莫簡祖於場上互罵內訌差點講手，真是失禮之極！

睇波之外，亦要到沙灘曬太陽。

　　最過分係喀麥隆曾爆出因不滿出場獎金太少，一度拒絕上機赴巴西。難為科特迪瓦球員施利戴爾為了終於可代表國家於世界杯上陣而落淚。只可以講句，喀麥隆你畀心機少少啦！

　　試想像下你是伊度奧，今屆極可能係你最後一屆世杯，身為球隊大佬，見到隊友咁多年都了無長進，一定好難過。但其實現實社會亦有好多如伊度奧的人，可能你才藝了得，能力過人，偏偏就沒有好幫手。想到這兒，我開始有點同情伊度奧了！

轉載自晴報

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【與拍賣官看藝術】走進Sotheby's Maison睇睇蘇富比旗艦藝廊！蘇富比如何突破傳統成規？► 即睇