紐亞成德軍隱憂？

　　前兩天，我去了一間舊式茶餐廳，有伙計企住同我傾了十多分鐘世界盃，感覺既親切又搞笑。話咁快世盃就只剩下四場，德國對巴西、荷蘭對阿根廷都是一等一的世紀大戰級戲碼。

尼馬條腰重傷，我諗起櫻木花道球員嘅生命。祝佢早日康復！

　　回看四強之前5場波表現，各有各強弱之處。巴西後防能攻能守，而且中場控球能力亦好高，不過對德國有隊長堤亞高施華和尼馬缺陣。

　　德國前線只有老將高路斯一位正前鋒，湯馬士梅拿和奧斯爾等都未能提供足夠火力。門將紐亞雖然好波，但佢嘅輕出踢法，對住控球能力極強嘅巴西，會否變成一個隱憂？

　　而荷蘭於兩場淘汰賽對墨西哥和哥斯達黎加都打得非常狼狽，要不是後備門將告魯爾神勇地兩撲12碼，荷蘭早已出局。射手雲佩斯停賽復出的近兩場表現更如同隱形戰機。至於阿根廷？只可以用「美斯」兩個字形容球隊前景。

　　不論誰勝誰負，最後四場嘅珍貴程度與香港舊式店舖一樣「買少見少」，球迷們要珍惜，我就一定唔會錯過！

轉載自晴報

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

想要獨家投資理財Tips？即Like etnet 全新Facebook專頁► 立即讚好