【西貢好去處】遊船河後食餐好 火焰豬手配摩天輪海鮮拼盤

　　踏入7月，好多人周末都會入西貢，出海遊船河或玩戶外運動，感受夏日的熱情與活力！揮灑過汗水之後，又能少得食呢？入得西貢，當然要食餐好，貴為美食集中地，這裏又點止得海鮮食呢？

 

　　New Taste Kitchen位於西貢匡湖居，是一間結合新派西餐及酒吧的餐廳。店內舒適闊落，氣派寫意，除有多款「潮飲營食」的Fusion菜，更設有Happy Hour時段，是在西貢歡聚的好地點！ 

 

德國火焰豬手 ($198)

 

　　招牌菜Number One！廚師將新鮮豬手腌製，再烤到恰到好處，油而不膩，皮脆肉嫩，食落脆卜卜！ 上菜時店員更會喺你面前倒上冧酒再點火，讓豬手燃燒10秒左右，賣相同味道同樣吸引，食落仲帶有陣陣酒香添！配埋開胃酸椰菜同芥末醬，食落就無得彈喇！

 

摩天輪海鮮拼盤 ($168)

 

　　用摩天輪盛裝賣相玩盡創意！海鮮拼盤雲集炸蠔、炸蝦、炸帶子、魷魚圈、魚手指，炸至金黃香脆，新鮮美味，配啤酒就一流，份量仲啱晒一班人Share添！ 

 

豪華全日早餐 ($128)

 

　　All Day Breakfast多達8款食材，包括法蘭克福腸、煙肉、大啡菇、黑松露炒蛋、烤蕃茄、薯餅、茄汁豆及法國麵包配黑松露牛油，全部即叫即製！精華在於黑松露牛油，採用上等意大利黑松露混合高級牛油手工自家製作而成，放在烘至香脆的法包上，每一啖都充滿松露香味！

 

芝士脆底薄餅 ($88-$98)

 

　　要食好味嘅Pizza，除咗醬料同材料要好味之外，餅底都十分講究架！廚師將餅底加入適量芝士，食落充滿啖啖芝士香味。薄餅有煙三文魚、Parma Ham、西班牙辣肉腸、黑松露野菌同香辣海鮮五款口味。

 

大啡菇芝士漢堡 ($88)

 

　　愈嚟愈多人鍾意素食，呢度有款素Burger推薦你試下！大啡菇加入芝士烤焗，為漢堡添上香濃嘅「芝」味，配上蕃茄、蔬菜及秘製醬汁，食落Juicy，健康又好味！ 

 

 

地址：西貢匡湖居購物中心B6號舖

電話：2598 8806

營業時間：星期一至星期日，下午3時至凌晨1時

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇？】美國總統大選在即，你認為誰將最終當選？► 立即投票