2017-12-12Text: Yan Law
【聖誕打卡】超刺激！全港首個VR過山車＋遊走海洋公園特色聖誕市集
聖誕節梗係要玩盡佢！唔想再行商場、睇燈飾、開party？小編有好介紹！今年海洋公園聖誕全城HO HO HO已推出多個緊張刺激的VR遊戲，其中全港首創的虛擬實境（VR）過山車更是重頭戲！
全港首個VR過山車「越礦飛車」已於海洋公園聖誕全城HO HO HO正式開通！大家只要戴上VR眼鏡登車，就能體驗置身於亞馬遜雨林的虛擬實境中，兼且感受「上天下海」的高速旅程！
玩完過山車，當然要再去「VR至FUN專區」及「VR動感挑戰陣」大顯身手。透過極速單車比拼、半空任務及拳擊鬥法等VR遊戲，即刻測試你的體能、身體協調和反應！喜歡靜態活動？去「VR森度行」迷你影院就至啱。透過360度實景影像，盡情體驗熱帶雨林的民俗生活及欣賞大自然美景。
玩到攰？不如慢慢行去位於海濱樂園廣場的「海洋公園x Pinkoi聖誕市集」啦！場內販售多款由本地人氣設計師原創設計的精品，包括PeiChung Illustration、濃情香江、小久工場、巨人染Giants Tie Dye、JK Collection、Flame微光等，還可以揀件禮物送給身邊摰愛！
海濱樂園廣場更會搖身一變成為浪漫飄雪聖誕村莊——人造飄雪、40呎高的聖誕樹每晚上演「光影聖誕」亮燈儀式，加上「聖誕老人屋」及「冬日浪漫花園」，最啱打卡呃like！威威和好友亦會換上聖誕新裝同大家合照。
至於「冰極天地」，一眾舞蹈員則換上可愛企鵝裝，在節拍十足的音樂下，沿路表演彈跳高蹺等各式雜技。
海洋公園聖誕全城HO HO HO舉行期間，「食尚水都」、「海龍王餐廳」和「冰極餐廳」將會推出聖誕大餐及聖誕兒童餐。其中「海龍王餐廳」更會在2017年12月17日、23日至29日及31日等指定日子推出聖誕大餐連晚上7時後免費入場套票，讓大家吃飽後繼續與家人朋友狂歡！
海洋公園 x Pinkoi 聖誕市集
日期：2017年12月16至22日
時間：下午12時至晚上7時
日期：2017年12月23日至2018年1月1日
時間：下午2時至晚上11時
（註：在以上日子，每晚7時至11時，將免費開放「海濱樂園廣場」包括「海洋公園x Pinkoi聖誕市集」、「冬日浪漫花園」及「食尚水都」。）
《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。
《說說心理話》 消費能獲取快樂？買不起，不如花光錢錢$$？「習得性無助」有何影響？一起看看正確理財觀念。► 即睇
