顧美華睇好 馬浚偉爭影帝

　　【晴報專訊】馬浚偉（馬仔）自導自演的電影《生前約死後》前晚在銅鑼灣舉行首映，一班演員顧美華與余香凝等現身。馬仔積極為電影報名角逐多個競賽獎項，顧美華更睇好馬仔有望奪金像獎影帝。

馬浚偉與顧美華由舞台劇合作到電影，「兩母子」惺惺相惜。

　　馬浚偉表示《生前約死後》最終入圍多少獎項，要看評審的口味，又表示無論有獎與否，他都會積極參與金像獎。在片中演馬仔母親的顧美華，力撑馬仔有望贏最佳男主角，馬仔聞言笑說想奪得新晉導演獎，顧美華說︰「攞唔攞到獎要睇對手，希望佢得啦。」

　　雖然馬仔與顧美華都擔心社會氣氛影響票房，不過馬仔說︰「想睇嘅觀眾自然會睇，呢部係純港產片，希望大家支持本地製作。我哋做咗好多優先場，唔止女觀眾，連男觀眾都睇到喊。」

余香凝聖誕怕寂寞

余香凝大讚馬浚偉執導十分細緻。

　　同場的余香凝正忙拍ViuTV新劇，與一班年輕男演員相處融洽︰「有時收工會一齊飲嘢，跟得佢哋多都變得麻甩，但有時佢哋講嘅嘢未必啱我聽。」臨近聖誕，單身的她坦言怕寂寞，幸好平安夜要開工，經理人亦叫她參加派對。

轉載自: 晴報

【你點睇？】皇馬巴塞傳奇表演賽爆簽名會風波，26人買涉$20萬套票僅見部份球星15分鐘，你認為事件哪方須負較大責任？► 立即投票