20多年後再合作 黃智賢薛家燕重現《真情》經典

　　【晴報專訊】黃智賢（Ben）與薛家燕前晚錄影無綫節目《流行經典50年》，Ben接棒黎耀祥做嘉賓主持。穿上「貝兒公主裙」的家燕姐，笑言與Ben繼劇集《真情》後，相隔20多年再合作：「《真情》係我復出後第一套劇，頭幾日都係同Ben開工，嗰時我矇查查，好彩Ben提點。佢好勁，當時出街個個叫佢『阿海』，無人叫我『好姨』。」

薛家燕大爆黃智賢不時與太太煮飯仔，十分甜蜜。

　　Ben笑說：「希望家燕姐念在我喺《真情》孭過佢，今次佢要傍住我。」家燕姐聞言自嘲重磅不少，Ben即說：「你係分量愈來愈厚，同你副身家一樣！」家燕姐乘機追問Ben會否計劃生B：「疫情期間多咗時間，食飽可以做咩？都要搵嘢做嘅。」Ben笑說：「我哋老夫老妻，家燕姐留番同新抱講。」

轉載自: 晴報

樂本健【年度感謝祭】維柏健及natural Factors全線2件7折► 了解詳情