獻聲《堅離地》主題曲 張振朗：驚觀眾耳朵流產

　　【晴報專訊】張振朗與蔡思貝等昨日出席台慶劇《踩過界II》宣傳活動，二人同時孭飛另一部台慶劇《使徒行者3》，相當旺場。而張振朗首次做男主角的倉底劇《堅離地愛堅離地》亦有望明年播映，振朗笑言為《堅離地》唱主題曲，擔心觀眾聽完會嫌棄。

 

張振朗與蔡思貝希望觀眾不會睇厭他們。

 

　　張振朗與蔡思貝這對好拍檔，昨日以劇中造型現身，思貝在台上戴回「癲姐」招牌假哨牙。提到二人主演的《踩過界II》與《使徒行者3》同期播映，變成「自己打自己」，思貝坦言覺得「唔著數」：「因為怕觀眾睇兩套劇會混淆，好彩我哋兩部劇個角色分別好大，可以畀大家睇到我哋唔同嘅表現。」

 

張振朗、王浩信與蔡思貝再合作，愈來愈合拍。

 

　　振朗希望觀眾不會睇厭他們，又自嘲說：「我係兩套連播，破唔到高海寧連播四套嘅紀錄。我只係試過連續被抽起幾套劇無播，但依家已經洗咗『地獄黑仔王』呢個名。」提到曾被抽起的《堅離地愛堅離地》明年解禁，振朗說：「呢套劇係我第一次做男主角同唱主題曲，我都好期待，但一日未播都好多變數，平常心啦。」思貝幫振朗集氣說：「我好想睇《堅離地》，睇佢做戲大飽眼福，聽佢唱歌仲耳朵懷孕！」振朗搞笑說：「我怕大家聽完會耳朵流產多啲！」

 

息影雪妮盡責宣傳

 

75歲的雪妮（左）坦言年紀大，決定退出幕前好好休息。

 

　　提到秦煌昨日回電視城出席《踩過界II》活動前，身體不適跌倒送院，振朗望對方沒大礙：「前輩行動唔太方便，平時要撑拐杖開工，佢好專業，好值得我哋學習。」他又表示最近與羅蘭合作拍劇，亦提出先拍對方戲份，好讓她盡快完成工作收工。而在劇中與秦煌演父女的思貝擔心說︰「監製通知嗰陣都好突然，我會傳信息畀佢，希望佢無事出院休息，我會提佢要食早餐。」已約滿無綫的雪妮昨日亦出席宣傳，她表示現今有不少獨居老人較難照顧自己，呼籲大家多關注老一輩。

 

轉載自: 晴報

• 

【你點睇？】有學者倡60至65歲以下長者之2元乘車優惠，設每月補貼上限700元，你點睇？► 立即投票