老公內地工作多應酬 周家蔚爆洪天明：唔講酒店名同房號

　　【晴報專訊】周家蔚和洪天明結婚九年，婚後誕下大仔洪大仁及細仔洪竟琋，為照顧家人生活，洪天明近年經常北上工作賺錢養家，更試過跟妻兒分隔兩地八個月。前晚周家蔚亮相無綫節目《日日媽媽聲》，自爆曾向天明詐型，又封鎖老公手機，更試過要求他「供出」酒店名稱及房間號碼，但天明卻經常遺忘，主持羅敏莊即質疑天明刻意拒絕「招供」。

 

 

　　周家蔚前晚與好友姚樂怡接受主持余安安、陳凱琳和羅敏莊訪問，大談夫妻聚少離多，如何維繫婚姻。家蔚直認老公天明經常不在港，試過最短離家一個月，最長八個月︰「初初唔知要咁耐，因為疫情，所以一個月又一個月咁延續落去，開頭好唔習慣，後嚟都已經唔再求佢返嚟。」期間，熒幕播出天明離家八個月後返家的情況，當時大仔洪大仁看見爸爸即激動爆喊兼擁抱，場面感人。家蔚坦言當時天明想給她驚喜，但因為感覺陌生，所以自己第一個反應卻是推開老公︰「因為太耐無見，我想離遠少少望清楚佢，攬住就睇唔到；我個仔就『兜巴星』自己，佢想知係咪真係見到嗲哋㗎！」

 

天明返家時，大仔洪大仁即衝上前攬住爸爸激動爆喊。（電視截圖）

 

不求大富大貴住靚屋

 

周家蔚感激天明回家後，會幫忙處理家中大小事務，彌補她過往的辛勞。（電視截圖）

 

　　近年主力在內地搵真銀的天明，早年曾被拍得夜蒲後帶女生返酒店，事後他澄清是一場誤會，強調無背叛太太，家蔚亦對老公投以信任一票。不過，家蔚在節目中坦言不放心老公在內地工作：「有無其他嘢擔心？有㗎！我講無你信唔信吖？因為佢好多應酬，見好多人，又成日飲酒。佢成日出差要住酒店，每次我都叫佢畀低酒店名同房間號碼我，但佢成日都唔記得。」羅敏莊聞言笑笑口反問︰「唔記得定係特登唔畀呀？」家蔚表示︰「咁我當然會追問佢啦，點解你無畀㗎！」

 

　　家蔚指夫妻試過因長期分隔異地而吵架，她會出殺手鐧︰「我會block咗老公電話，但佢試過喺有我老爺（洪金寶）同細佬妹嘅家庭群組內，問我『幾時肯unblock番』，我係有啲尷尬嘅。」不過，眼見天明辛苦工作賺錢養家，家蔚寧願老公賺少點錢，也希望他多點留港陪伴家人︰「我成日咁同佢講，我唔需要好富貴、住靚屋，只希望一家人可以一齊開開心心過生活。」

 

陳山聰（左）在《日日媽媽聲》中拒認大花筒，但卻曾花數萬元買一對鞋。（電視截圖）

黃澤鋒與陳麗麗帶同快將兩歲的愛女「小黃妃」黃熙恩上節目。（電視截圖）

 

轉載自: 晴報

• 

【etnet 30周年】多重慶祝活動一浪接一浪，好禮連環賞！ ► 即睇詳情