無懼《聲夢》《#後生仔》後浪 江嘉敏：目標8年後拎視后

　　【晴報專訊】人生變幻無常，星途亦難以預計，廣告模特兒出身的江嘉敏（Kaman）16年加入無綫，從《親親我好媽》的純情學生妹進化成是非多多的「心機女」，成功在電視圈佔一席位。無論面對正評或負評，Kaman處之泰然，寧願將精神花在事業及瘦身。「我唔太理網上嘅haters，依家全力拍劇，演嘅角色慢慢有改變同進步，希望八年後贏視后！」果然目光遠大。

 

 

　　江嘉敏加入無綫前，拍過不少廣告、微電影及港台劇集，她憑無綫劇集《親親我好媽》的中學生一角正式入屋，至今已拍攝了十多部劇集，其個人IG亦已吸納超過30萬追隨者，演藝生涯尚算順風順水。Kaman現正與陳豪、周嘉洛等拍攝陳維冠（Joe）監製的時裝劇《四十二章經》，Kaman與Joe已第四度合作，她感恩遇上這位好監製，令她明白機會是留給有準備的人。「之前拍《七公主》要彈一首蕭邦嘅曲目，20幾頁琴譜好有難度，好彩我細個嗰陣，媽咪畀錢我學琴，終於可以大派用場。」過往曾學習二胡的她，現時亦抽空學習小提琴，寧犧牲休息時間，為演戲路做足準備。

 

八年前的Kaman已跟何潤東合作拍攝安全套廣告。（網上截圖）

 

磨練演技打好基礎

 

Kaman減肥兼剪走秀髮，以男性化形象拍《四十二章經》。（資料圖片）

 

　　為拍《四十二章經》，Kaman犧牲靚靚長髮變身男仔頭，她透露劇中有不少吊威也戲份，因此嘗盡苦頭。她說︰「雖然係時裝劇，但拍攝前要學劍又要學棍，天氣酷熱下，吊威也一日後，成件衫濕晒，Joe迫我行出comfort zone，去試唔同嘅嘢。」Kaman拍劇多年，經常演主角妹妹或少女角色，但她深信自己已不斷進步。「我由《誇世代》嘅七妹變成《七公主》嘅四家姐，已經愈嚟愈成熟，每個角色都有唔同元素，自己亦急唔嚟，要慢慢打好基礎。」

 

 

　　身為無綫力捧小花之一，Kaman坦言沒想過能密密拍劇，她向公司要求將工作重心繼續放在劇集上，努力磨練演技。「由《親親我好媽》開始，我都係邊學邊做，依家跟甄詠蓓上演技進修班，發覺自己講對白唔夠大聲。」提到現時無綫《聲夢傳奇》、《#後生仔傾吓偈》等大堆演藝新血正蓄勢待發，現年26歲的Kaman已累積五年「劇齡」，她對自己信心十足，更劍指視后︰「我會再努力啲，短期目標要喺五年內贏『我最喜愛的電視女角色』，八年後到我30幾歲，贏到視后就啱啱好！」

 

喪忍口誓踢走脂肪

 

Kaman與馮盈盈的恩怨好睇過連續劇，無綫更乘勢為二人開拍《解構心機女》。（IG圖片）

 

　　早前Kaman為《代溝關注組》任嘉賓，自爆過去曾被男友背叛導致分手收場，更稱曾撞破TVB男同事偷食；不過她與馮盈盈的恩怨更好睇，二人去年由好姊妹反目變陌路人，但今年初卻被安排合作主持《解構心機女》，成為圈中話題。對於與過氣好姊妹做拍檔，Kaman拒絕多談舊事，只說︰「有其他主持分擔都OK。」不過，Kaman從節目中亦有得着，她感慨道︰「以前做過活動司儀，但主持清談節目又係另一回事，比拍劇艱難好多，要應付嘉賓忽然答非所問，好在當時有經驗豐富嘅賴慰玲係隔籬！」

 

今年初Kaman出席頒獎禮時「肉感」十足，慘成網民笑柄。

 

　　Kaman的身形時肥時瘦，其包包面更深入民心，她承認減肥是終身事業。「我今年初喺台慶頒獎禮個排，食嘢無乜節制；依家拍劇期間，日日自備水果返工，晚上六點後只會食蘋果或青瓜。我以前好少飲水，依家每日最少一公升，已經瘦咗十幾磅。」談到自己經常成為花生友話題，她相信網上有haters，但亦有支持者︰「我已經唔睇討論區，只睇自己IG，有啲網民為鬧而鬧，亦有啲人打一大段嘢真心畀意見，對我嚟講所有嘢都有啟發！」

 

轉載自: 晴報

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇