中原指數上星期五（15日）公布升了0.26％，指數公司宣布樓市確認成功尋底，換句話說，樓市即將調頭回升，大家又可以買樓，我覺得是否那麼兒戲，只不過上升了0.26％，已經確認成功尋底，不過，點解地產商不在樓市調頭回升之際賣樓，莫非地產商繼續睇好後市而惜售，但千祈唔好忘記現在有新樓空置稅，如果唔賣樓，隨時要繳付新樓空置稅。

　　在過年之前，不少人滿懷希望，認為樓市在農曆新年後會出現小陽春，但好似到現在還沒有動靜，樓價可能升了些少，但成交量仍然偏低，所以，一般人都唔會認為小陽春已經出現，沒有足夠成交量，無論樓價升了多少，都不能說樓市出現小陽春。

　　有老友問點解農曆新年的氣氛已經開始淡化，小陽春仍然不出現，莫非今年不會出現小陽春？其實，小陽春在去年11月，當裕民坊凱匯開售時已經出現，甚至持續了接近三個月，購買力亦已被消耗得七七八八，如果沒有一些催化劑，農曆新年之後不會有小陽春，而催化劑就是地產商開售新樓盤。

　　農曆新年之後，到現時為止，只得一個小型新樓盤開售，其他地產商都只是話今年準備開售幾多個新樓盤，涉及幾多個新樓單位，但全部都是只聞樓梯響，真正的開售是絕無僅有，沒有新樓盤開售，小陽春又怎會出現？不過，如果在往年，小陽春早已出現，地產商會以應節式推售二三十個單位，佔樓盤總數幾個％，推盤少，不但會超額認購，而且成績一定理想，未能賣出單位，地產商會話惜售，既然地產商睇好後市，樓價點解唔會繼續上升，即使成交量不多，但也可以確認小陽春出現，但在「娥六招」出現之後，每一次開售最少要有20％可供出售單位，以一個有1000個單位的新樓盤，地產商每次最少要推200個單位，如果市況淡靜，除非大幅降價，否則的話，成績未必會有預期般理想。要地產商減價賣樓，當然是萬般不願意，所以，大多數地產商都遲遲未肯開盤，打算買樓的人，在現階段唯有等一等，如果太心急，買了之後地產商降價兩成，就喊都無謂。那些打算買樓的人亦不用擔心，唔通唔做生意？地產商一定會開盤，老C可能收到風話小陽春在第一季尾之前到達，即是地產商在那時候開盤。

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

想要獨家投資理財Tips？即Like etnet 全新Facebook專頁► 立即讚好