香港銀行拆息高企已經有一段時間，但大家好似莫不關心，有人甚至話美國有機會減息，令到香港息口亦會下跌，買樓就要快手，不但可以好好享受未來一段低息期，而且在18個月內低息會令樓價上升三成。但是他們不明白，如果香港有機會減息，拆息又怎會高企，現在除了拆息高企之外，銀行亦以高息搶定存，大家在享受低息之餘亦要小心香港會突然加息，因為以高息搶定存，以低息貸出去，香港銀行是不會做蝕本生意，加息始終會出現，只是時間問題。

　　在香港，叫打算買樓，尤其是那些採用高成數按揭的人睇定形勢一定唔啱聽，他們會認為加息對樓市沒有影響，而且加息代表經濟理想，樓價有上升空間，就算追加到與美國看齊，亦只不過是加多2.125%，飲少餐茶就可以抵消。其實千祈唔好睇少2.125%，就算問銀行借了500萬，每個月就要多付8000多元，絕對不只一餐茶，我相信很多在供樓的人，每個月未必可以攞到8000多元閒錢，所以，小心一點還是好的。因為利息除非唔加，一開始加息就會是連續性，甚至是一個利息上升周期開始，買樓自住還好，如果買樓收租，以現時回報之低，業主一定要補貼，每個月要補貼租客是很痛苦的事。

　　香港可以維持低息，理由是大銀行有大量貸不出去存款，所以他們不希望加息，加息即是搵自己老襯，但他們可以將那些存款拆借給存款不足的中小型銀行，利潤雖然不高，但勝在沒有風險。低息其實是對中小型銀行不利，以高息拆入，以低息貸出，基本上是白做一場，好彩按揭成數不高，風險很低，就算白做都好過冇得做，但長時間低息，不但不會吸引到新的資金來港，甚至連現在停泊在香港的資金亦有機會離開，當大銀行用高息搶定存，距離加息的日子不遠矣。最近匯豐亦以高息搶定存，看來港美利息差距亦會收窄，大家千祈唔好以為是美國減息而不是香港加息，特朗普只不過是出口術，他最多可以令到鮑威爾唔敢加息，美國還未有條件減息，老實說，當香港銀行加按揭利息，樓市將會受到很大衝擊，現在小心一點比較好。

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【etnet 30周年】多重慶祝活動一浪接一浪，好禮連環賞！ ► 即睇詳情