輸給新鮮感？

　　半夜，Angela在WhatsApp發了一張Facebook截圖，照片中一男一女相擁。

 

　　Group Chat內的姐妹立即有反應：

 

　　「嘩，咁快咁公開啊……」

 

　　「你Ex同個第三者喎。」

 

　　「一個偷食，一個明搶都咁高調！」

 

　　照片男主角是Angela最近分手的前男友，女的是當時公然插足的小三。

 

　　「新嘅嘢特別想曬。」當時人終於發聲。

 

　　Angela和男友被視為會婚不會分的一對，卻在前幾個月，他和另一個女生火速搭上。

 

　　「我覺得同佢一齊，人生有返衝勁。」他拋下這句便轉身，還不避嫌的火速公開。

 

　　兩女相爭？不，根本無需要爭，男方早就揀好。拍拖幾年說分就分，死因不是愛得深淺或相處問題，要新不要舊是本性？反正要結束，甚麼原因都是原因。回憶再多，有幾習慣她在身邊，都不及突如其來的新人。

 

　　多年的關係早就平淡如水，走進一個外人，份外刺激，就像鬧鐘把一直沉睡的他敲醒？感情說甚麼知足、安份，拋在身後誰還記得，能賣錢嗎？眼前的新女友，令悶得發瘋的他復活了。

 

　　新女新鮮感，衝勁無限，燃燒的愛火，哪怕只是一個WhatsApp、一句情話、擁抱或激吻，都無比新鮮，是偷食，是搶食都沒有罪過。熱戀有助回春，如何抗拒？

 

　　每段關係初頭，誰不是充滿刺激難自禁，一個小舉動和反應，都勾起身心渴望，就算鬧場交都揪心揪肺的，叫你欲罷不能，吵過後繼續激情狠狠愛。但一年、幾年過後，大家太熟稔太習慣，安然邁進Comfort Zone，也就少了那種新鮮火辣。每段關係都會如此，誰不是這樣走過的。

 

　　當一個人心還不夠定，不甘於現狀，依然環顧四周，任何一位新人的出現也比你強，不用甚麼樣貌條件、高矮肥瘦、高貴放浪、C Cup D Cup，獵人不在意的，食得落就得，追逐的是那股未能駕馭的新鮮感。

 

　　一起多久、穩定感情不是關係的指標，要輸起來，一個新鮮感就已經夠了。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇