2013-07-11
三間必到的大埔美食麵店
筆者家住大埔，一直都希望可以一次過去自己心儀的三間大埔麵店美食吃午餐，唯三間麵店一到周末便大排長龍，睇怕都要平日請假先能實現願望。
蔡潤記
蛋片、粉腸、牛肚和辣椒油（$24一碗）
喺蔡潤記，筆者推介蛋片，粉腸，牛肚和辣椒油。
蛋片——雖然體積細小，但口感較一般食肆的蛋片實在，而且重魚味和彈牙。
粉腸——絕冇令人卻步的苦澀味，況且超多肥膏和嫩口，令人暫時拋下甚麼是膽固醇，再加自家製辣椒油吊味，簡直絕配！
牛肚——紋理清晰更能食出口感，醃得好入味而且爽口。
溫馨提示：
1. 周末人流極多，若追求舒適環境和殷勤服務的人士，勿訪。
2. 很多食物喺三點至三點半沽清，店舖收四點。
蔡潤記
地址：大埔東昌街7號地下（不設電話查詢）
陳漢記
陳漢記早一兩年才完成內部裝修，三間店舖比較下，此店地方較大、光猛和舒適，而且營業時間到凌晨四時，而且相對人龍較短。
蝦米腸（$14）
叉燒腸（$16）
筆者喜歡吃叉燒腸和蝦米腸，全部腸粉即叫即蒸。皮薄有飯味，材料亦有心機地切成細塊，能和腸粉皮有更好的比例。論質數同堂記仲有少少距離，但喺新界區，陳漢記已經係我心目中的首選。
陳漢記
地址：大埔運頭街91B號地下
電話：2658 2277
群記
淨爽腩（$85）
爽腩用牛骨餚製的湯底，味道非常濃郁。由於爽腩屬於半筋半肉部位，食落會更咬口。這裏的爽腩餚得軟稔，但不會散開，亦不會黐牙，爽口有肉味，再加一碗豬油渣麵就非常完滿。
豬油渣麵（$23）
溫馨提示：
1. 爽腩非常受歡迎，很早便沽清或只得淨食。
2. 星期日休息；星期一至六中午一時才開舖。
群記
地址：大埔大明里26號地下
電話：2638 3071
《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。
《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇
