大埔超級城｜大埔區《國安·家好》同樂日2026

活動簡介

15/4就係「全民國家安全教育日」！大埔區將於4月11日（星期六）喺大埔超級城C區中庭舉辦「大埔區《國安·家好》同樂日2026」，透過全日精彩活動，推廣國家安全嘅重要信息。

當日節目非常豐富，台上除咗有典禮儀式，仲會舉行大埔區校際公民常識問答比賽決賽及頒獎禮、大埔區傑出警務人員頒獎禮及大埔區青年網絡海陸空義工團頒獎禮！表演節目方面，我哋好榮幸邀請到香港警察樂隊擔任特別演出嘉賓，仲有嚟自18間區內學校同長者中心嘅精彩表演，令人期待！

現場亦會設有國家安全教育展覽及多個攤位遊戲，並有精美嘅國安主題紀念品等大家嚟換領，啱晒一家大細一齊嚟玩！約定你下星期六早上10點至下午4點，大埔超級城見！

活動由大埔民政處、大埔區撲滅罪行委員會以及大埔區青年發展及公民教育委員會合辦，大埔警區、大埔區青年網絡、大埔區關愛隊、香港太平紳士協會及天龍慈善基金協辦，並獲多個地區團體支持。