筲箕灣東大街直踩三場 - 新金潮 / 呂仔記 / 民聲冰室

　　筲箕灣東大街一向美食多籮籮，不過小弟就甚少踏足。之前到了東大街一趟，呵呵，咁我就唔客氣，順便掃街一番！

　　我先到一間酒樓「新金潮」，地道街坊格局：

　　挑選了吃碟「小炒皇」$168

　　小炒皇炒得幾夠鑊氣，鹹香並重，配以小銀魚、蝦米及腰果爆炒，香囗好下飯之餘，送酒吃也很匹配啊，只是一碟的收費也不算便宜呢。

　　直落下場就到了「呂仔記」，吃他們出名的自家製魚肉燒賣。牆壁上還貼上「林峰 chok 住讚：全港最好的食嘅燒賣！」我要了一份八粒，承惠$24，「彈擺梳」都真係幾貴，咁味道又如何呢？

 食咗四粒先記得影相

　　首先一吃下去就吃得出它與其他燒賣的分別，吃得出裏面有很多魚肉，是達到非常多的程度那種，我估每粒有八成以上是魚肉，而且蒸得熱辣辣，吃得出有魚鮮，味道係幾正斗。再看一看牆上的資料，原來燒賣是老闆用每天買來的大黃鱔起肉製成，難怪，貴得有道理。當日眼見買燒賣的人客非常之多，它應該有不少粉絲！

　　食完燒賣行過兩步，就見到「民聲冰室」，真係久仰大名。

　　立即入去朝拜一下它的「鹹蛋蒸肉餅」$58，送靚仔白飯一碗：

　　成座「肉餅山」端上枱面，係幾有看頭，但係鹹蛋黃就灰灰黑黑。切開肉餅，肉質很鬆軟，但鹹蛋黃就出奇地無味。之前有聽過朋友評論它下味精太多，我個人就不覺得，反而我覺得調味甚有問題，豉油太甜了，而且鹹蛋黃又沒有鹹味，欠缺了吃鹹蛋蒸肉餅的神髓，是有點兒失望！我個人覺得試過就算了，可以不用 encore 。

　　那夜，我在筲箕灣東大街實在吃得太飽了，報告完畢！

「新金潮海鮮飯店」

地址：筲箕灣東大街109-113號 地下及1樓

「呂仔記」

地址：筲箕灣東大街121號A地舖

電話：2885 8590

「民聲冰室」

地址：筲箕灣東大街135號地下

電話：2881 6331