【拜年攻略】人工幾多？幾時升職？教你輕鬆應對「三姑六婆」尷尬拷問

問題三：「做呢行搵唔到食㗎！點解唔去考公務員呀？」

有志氣式回應：

「公務員唔係我杯茶！何況行行出狀元，你無理由咁無見地㗎！」

轉移視綫式回應：

「放假就咪講份工啦！來，我介紹我新男友／女友你識。」（但大前提是，你要有個新男／女朋友。）

（截圖自《國產凌凌漆》）

問題四：「咦，你仲係做緊經理？大姑媽嗰仔同你同年入同一行，佢而家已經做到高級經理啦！」

禮貌式回應：

「間間公司嘅政策同架構都唔同。喺我公司，經理已經好高級。」

有志氣式回應：

「名銜於我如浮雲，何況高級經理、經理都不過係幫人打工，我嘅目標係做老細！」

Read More：【笑中有淚】道盡「扮工」精神！過年必定翻煲的10套經典賀歲片 

問題五：「乜你仲未搵到工呀？」 

禮貌式回應：

「我要求高啫，遲吓再搵唔到，自然會降低要求㗎喇，唔使擔心喎。況且喺呢段時間，我都有學嘢增值㗎！」

有志氣式回應：

「我呢啲人才，梗係要搵到份有發展前景嘅工先會做啦！」

問題六：「吓，你又轉咗工？仲轉埋行？」

有志氣式回應：

「趁後生，我想試多啲唔同嘅工種，睇吓邊樣最啱自己！」

幽默式回應：

「魚唔過塘唔肥嘛！」（如果身形肥胖，說這話時不妨捏一下自己的肚腩，幽默效果倍增。）

唔知咩叫「魚唔過塘唔肥」？即睇【打工仔詞典】「射波」、「吞pop」、「燉冬菇」，職場術語你識講，但識唔識解？

問題七：「你份工做咗好耐啦喎，唔考慮吓轉工？」

禮貌式回應：

「呢份工有前途，而且上司同事又好，我做得好開心，毋須要轉工住。」

幽默式回應：

「好工有如好股，值得長揸！」

（《與我跳舞》劇照）

問題八：「幾時買樓？」

幽默式回應：

「我係一隻無腳嘅雀仔，加上外面嘅世界天大地大，我絕對唔會畀間屋束縛到自己！」

拖延式回應：

「我研究緊㗎！但你知啦，社會、土地問題呢啲嘢急唔嚟。」

下頁看　工作話題以外，親戚最愛問的3個問題

問題一：「有無拍拖呀？幾時帶男／女朋友出嚟見面？」

大方回應：

「未喎，你係咪有好介紹？」

幽默式回應：

「我男／女朋友係個路痴嚟，佢仲未搵到嚟我呢度！」

Read More：【小薯逗利是錦囊】唔想一開年就得罪腦細？熟讀8大拜年禁忌

問題二：「幾時結婚？」 

轉移視綫式回應：

「大表哥、三表姐都未啦，我呢啲細嘅點敢爬佢哋頭呀。」

文青式回應：

「錢鍾書曾經寫過一句：『婚姻是一座圍城，城外的人想進去，城裏的人想出來。』結婚呢件事，絕對唔可以輕舉妄動！」

（《所以我和黑粉結婚了》劇照）

問題三：「幾時生BB？」 

幽默式回應：

「而家養大一個小朋友要幾百萬㗎，如果你幫我養同湊嘅話，我可以考慮一下。」

轉移視綫式回應：

「趁後生梗係要去多幾圈旅行先啦，（拎個手機出嚟）你睇吓我哋之前去邊度邊度旅行嘅相，超靚呀……」