海底奇兵2 (Finding Dory)

導演：--

編劇：--

配音：劉青雲、毛舜筠、坤哥、小儀、King Sir

片長：1小時37分

級別：I 級

語言：粵語

上映：16.7.2016（公映）

故事簡介：

　　上一次歷險歸來，失魂魚多莉（毛舜筠）本來跟住馬倫（劉青雲）和Mo仔兩父子安安樂樂過日子，但一次目睹魔鬼魚大遷徙行動，竟然令無乜記性的多莉突然閃現零碎回憶片段，意識到自己與父母失散多年，於是決心展開尋親大行動，仲拉埋馬倫和Mo仔落水，一齊向加州海岸進發，仲有鯨鯊沙沙妹（阮小儀）、白鯨比利（吳業坤）、七爪魚阿亨（King Sir）等一大班新朋友傍住歷險，仲有歌神張學友驚喜客串！最終多莉能否揭開身世之謎？定係轉個頭又再乜都唔記得晒？

　　同場加映萌爆短片《BB肚餓鳥》（Piper），由一隻住在海邊的初生超萌BB鳥為主角，因為肚仔餓大住個膽離開雀巢去搵食。不過牠的目標美食卻是埋在海岸邊緣泥沙之下，BB鳥見到洶湧而至的大浪已經嚇到腳仔軟見頭暈⋯⋯好彩有個新朋友教路，令BB鳥鼓起勇氣再為搵食出發，填飽個肚仔！

電影預告片：