19/07/2024
美魔女康華露面零濾鏡下狀態大勇!方紹聰Po合照勁收私訊:話佢好靚
久未露面的「美魔女」康華,自從去年演出劇集《法言人》後便鮮有現身幕前,不過近日方紹聰(奶仔)在社交網分享二人食飯的近照,相中的康華靚爆鏡,引來唔少網民關注。
日前,奶仔在IG限時動態上載他與康華在高鐵站食飯的照片。在零濾鏡生圖下,康華薄施脂粉,依然狀態大勇,幾乎不見歲月痕跡;她皮膚滑溜白到反光,與一身健康膚色的奶仔成強烈對比,難怪奶仔留言大讚「大美人康華小姐」。
奶仔昨日回覆本網,原來二人正拍攝新劇《巨塔之后》外景,拍完在高鐵站一齊食飯。奶仔笑言大家認識已超過十年,今次po合照惹來不少迴響:「佢(康華)畀我嘅感覺係仍然好靚,同埋好健談;好多朋友見到張相,都IG message我,話佢好靚!」
至於康華亦回覆本網,透露自己其實一直忙於拍劇,更將有不少作品跟大家見面:「我一直都有拍戲,之前拍完《巾幗梟雄4》及《執法者門》。今次(和奶仔食飯)因為剛剛拍完《巨塔》外景等車,又係晚飯時間,收工就一齊等車食埋飯飯啦。」提到奶仔透露唔少人大讚她靚女,她開心說:「應該係奶仔影相技術高超,先影到我靚嘅」
1994年參加港姐入行的康華,多年來保養得宜,現年52歲的她與好友佘詩曼一樣都是超級凍齡美女!康華笑言自己的保養方法其實好簡單:「都係少食多餐,清淡飲食,少許運動,多做facial及要忙碌。皮膚好,要少食甜嘢及防曬!」
轉載自: 晴報
《說說心理話》運動員強大心理質素如何煉成?張小倫分享最挫敗經歷,及後怎樣重整旗鼓?► 即睇