• |
  • 極速報價
  • |
  • etnet專輯
    etnet專輯
  • 會員
  • 產品服務 / 串流版
  • 設定

14/08/2020

總辭困局

  • 加入最愛專欄
  • 收藏文章
  • 馬天娜

    馬天娜

    畢業後第一份工就係返金鐘,在職場輾輾轉轉,又回到了起點,而金鐘更由當年嘅商業中心,變成為香港權力核心。身為金鐘人,最鍾意就係收盡權力核心外圍同內圍嘅風,識破所有政客嘅語言偽術。

    立會透視鏡

 

  人大常委會喺周初一錘定音香港立法會未來一年過渡性安排,第六屆議會(即現屆)延任唔少於一年,直至第七屆立法會產生,因此全體議員可以延任,包括早前被裁定提名無效的4名民主派議員,以阿爺之前雷厲實施《國安法》嘅尺度,今次人大決定可以話係大發慈悲。

 

  喺人大正式拍板之前,港澳辦副主任張曉明月初嚟到香港同建制派骨幹人物會晤收風,睇下大家對於DQ幾位現任議員選舉資格意見之外,亦都想聽聽大家對立法會延選一年安排有咩睇法。Tina收到風,話席間近九成建制派對張曉明嘅發言,稱得上係對泛民「趕盡殺絕」,甚至係一部分過往說話唔算狠嘅,席間都表現出「戰狼」性格,認為DQ咗之後理應延任亦都無資格,否則畀市民有錯覺,唔遵守基本法都得到阿爺嘅認同;只係有小部分較開明嘅建制派先肯講幾句「人話」,指DQ咗、唔畀佢延任,對於建制派選情都係於事無補,直言「啲票點都唔會跌返入我地個袋」,何不簡簡單單畀所有現任議員延任,減少爭拗?

 

  人大結果亦都令大部分建制派大失預算,亦都係因為決定同建制諗嘅方向好唔同,喺人大落實安排之後,個個由「殺無赦」變做「小鵪鶉」。「鵪鶉」嘅唔單止係建制,仲有泛民。

 

  喺人大作出安排之前,泛民亦都早已預計,四名被DQ嘅現任議員應該無得做「看守」議員,仲計劃好人大一宣布之後就集體請辭。點知算盤打唔響之餘,算盤上嘅珠珠仲散到一地都係,人大嘅決定令到傳統泛民同所謂嘅進步民主派陷入新嘅矛盾之中。正如Tina周前文章所講,泛民總辭其實有多方考慮,但如果有人因為DQ唔畀延任,總辭嘅考慮就少好多;但人大批准佢地全體過渡,泛民答應的話,就講唔通支持者點解佢地願意加入一個並非喺基本法條文之下正常成立嘅立法會;總辭的話,無晒資源做反對派事小,未來一年議會得返一種聲音又點同選民交待?而總辭都仲好少少,齊上齊落大家共同承擔下一屆被DQ嘅後果,但如果有啲辭有啲唔辭的話,咁留低喺會議廳嘅議員,就算下屆唔會被DQ,亦將要面臨流失更多年青選票嘅風險,結果亦都可能被淘汰。所以決定落實到依家,泛民都未能有個統一回應,陷入一個前所未見嘅困局,而呢個困局,可能去到最後一刻(即延任立法會第一日開會之前) 都未必有一個完美解決方案。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

醫護之選 | 維柏健【加拿大關節銷售No.1】指定產品買1送1 (優惠期至25/2/2025)► 了解詳情

我要回應3

你可能感興趣

版主留言

我要回應

登入

發表回應

登記

成為新會員

回應只代表會員個人觀點,不代表經濟通立場

  • 只看作者回應
  • 查看全部回應
  • 順序
  • 倒序
  • GreatChinese發表於 2020-8-16 11:50 AM
  • #4
  • 曬氣啦!
    佢地和Amina一样脸皮厚,不会總辭!

  • 引用 #2 Ah_Shing 發表於 2020-8-15 04:59 PM

    「讓全體議員留任一年,繼續履行職責」,這招非常高明。 若聽話「留任」,那23個曾豪言壯語「總辭」的議員 ...
  • 回覆 | 引用 | 舉報
  • 逍遙子發表於 2020-8-16 02:05 AM via mobile
  • #3
  • 閣下說得真好!描繪得既真實又令我們忍俊不禁!
    哈哈~,買包花生,開壺茶,看戲嘍...

  • 引用 #2 Ah_Shing 發表於 2020-8-15 04:59 PM

    「讓全體議員留任一年,繼續履行職責」,這招非常高明。 若聽話「留任」,那23個曾豪言壯語「總辭」的議員 ...
  • 回覆 | 引用 | 舉報
  • Ah_Shing發表於 2020-8-15 04:59 PM via mobile
  • #2
  • 「讓全體議員留任一年,繼續履行職責」,這招非常高明。

    若聽話「留任」,那23個曾豪言壯語「總辭」的議員立即失去道德高地,被人臭駡:舔共、貪戀四百萬收入,甘心情願成為「政治花瓶」,多可憐!

    真的來個「總辭」,斷了財路,那些無德無能的議員不但要淪為乞兒,更失去做政治騷的場地及機會,寂寂無聞,明年參選時,搵人識佢,搵人選佢都幾難!

    留又難! 辭又難! 怪不得這幾日來,只見那二十幾人,總是扭扭捏擰擰,典來典去,不知如何是好,真是醜態百出。

    他們如何下台? 各位街坊朋友,買包花生,開壺茶,看這班可憐蟲如何演下去吧!
  • 回覆 | 引用 | 舉報
  • 只看作者回應
  • 查看全部回應
  • 順序
  • 倒序
最緊要健康
精選文章
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ