• |
  • 極速報價
  • |
  • etnet專輯
    etnet專輯
  • 會員
  • 產品服務 / 串流版
  • 設定

17/04/2020

責難郭榮鏗絕對係棋差一著

  • 加入最愛專欄
  • 收藏文章
  • 馬天娜

    馬天娜

    畢業後第一份工就係返金鐘,在職場輾輾轉轉,又回到了起點,而金鐘更由當年嘅商業中心,變成為香港權力核心。身為金鐘人,最鍾意就係收盡權力核心外圍同內圍嘅風,識破所有政客嘅語言偽術。

    立會透視鏡

  今個星期香港政壇圍住法律界立法會議員郭榮鏗嚟轉。郭榮鏗喺立法會內務委員會主持主席選舉,拖足半年都未選到,成功癱瘓立法會運作,成為建制陣營同阿爺嘅眼中釘,更罕有咁遭港澳辦和中聯辦強烈譴責,並警告他或違反誓言和公職人員行為失當罪,稱得上係「罪鏗詔」。

 

  有建制派人士就嘗試解釋「罪鏗詔」嘅來龍去脈。呢位建制派中人指出,郭喺內會興風作浪咗半年,中聯辦知唔知?早早就知;港澳辦又知唔知?唔知的話當然講唔通,立法會反對派一舉一動港澳辦都唔會亦唔敢有甩漏,所以好肯定,郭嘅所作所為早已觸怒北大人,估計建制權力中心亦一直有同北大人保持聯絡,睇下可以點樣拆咗呢隻「郭」。

 

  咁點解拖到今時今日先下呢封「罪鏗詔」而唔早兩個月搞?建制中人估計,時間上係有幾方面去考慮。第一,新冠病毒疫情喺今年1月開始大爆發,大家集中抗疫期間,連內會都唔多開會,令到北大人「拆郭」有顧忌;其二,北大人喺疫情爆發期間,仍然係希望建制派生性,自行解決事件,但上至林鄭、下至大主席梁君彥同內會主席李慧琼仍然係苦無對策,大家又錫身驚被郭司法覆核,揀無可揀,港澳辦同中聯辦先要冒住被人質疑「干預特區政府內部事務」嘅指責,發出「罪鏗詔」。

 

  Tina執筆之時,內會仲未開會,但估計李慧琼喺北大人出聲之下,一定會喺今日內會期間想辦法「拆郭」,唔咁樣做都對唔住阿爺一片苦心。但大家都明白,香港今時今日出現咁嘅對立局面,都係由逃犯條例而引起,而郭之所以能夠無視議會常規喺內會「搗蛋」,就係受到整個黃營民意嘅支撐。中聯辦港澳辦將矛頭咁樣指向郭,只係大大增加咗郭榮鏗、公民黨以至泛民反對陣營喺今年立法會選舉嘅本錢。Tina絕對認為,阿爺下詔罪鏗,絕對係棋差一著。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

【你點睇?】DeepSeek發布受到關注,惟美國正調查其有否透過第三方購入先進晶片,你認為美方會否封鎖DeepSeek?► 立即投票

我要回應9

你可能感興趣

版主留言

我要回應

登入

發表回應

登記

成為新會員

回應只代表會員個人觀點,不代表經濟通立場

  • 只看作者回應
  • 查看全部回應
  • 順序
  • 倒序
  • 逍遙子發表於 2020-4-20 05:41 PM via mobile
  • #10
  • 橫看豎看,卻覺得係度講緊川普呢?
    佢確確實實真係一個乞人憎到極的國際流氓!
    不過,成個國家出身自森林規則,弱肉強食,殺人滅族是等閑事,
    至今也不過是200幾年呀...
    難怪,難怪。

  • 引用 #8 Bambooshum 發表於 2020-4-19 09:53 AM

    大陸依家乘世界忙於防疫,專做和專講D乞人憎的事,旨在虾虾霸霸,就算成功得到什麼好處,都只是一個乞人憎 ...
  • 回覆 | 引用 | 舉報
  • 逍遙子發表於 2020-4-19 04:47 PM via mobile
  • #9
  • 該來的,總會來的。
    歴史是無人也無法阻擋的。
  • 回覆 | 引用 | 舉報
  • Bambooshum發表於 2020-4-19 09:53 AM
  • #8
  • 大陸依家乘世界忙於防疫,專做和專講D乞人憎的事,旨在虾虾霸霸,就算成功得到什麼好處,都只是一個乞人憎的國際流垊!
  • 回覆 | 引用 | 舉報
  • hkg1wmc發表於 2020-4-19 08:36 AM via app
  • #7
  • 簡單一句,有足夠政據,就法律解決,冇就收檔。大陸常掛口邊的,依法(香港法)辨事,唔好識講唔識做。
  • 回覆 | 引用 | 舉報
  • 逍遙子發表於 2020-4-18 10:24 PM via mobile
  • #6
  • “冼師傅講場“ EP50 港澳辦為香港發聲合情合法.
  • 回覆 | 引用 | 舉報
  • Mikewong78發表於 2020-4-18 11:39 AM via app
  • #5
  • 兩辦同時發炮,當非偶然。套用敝公司紀律懲處做法,要對違規者處以極刑或必然有效手段,習慣上對其惡行先行予以警告,出事咪話唔知!同樣道理,黄營勝利沖昏了頭腦,越玩越烈,各自爭簉票無所不用其極!兩辦現在的批評,大家當然知道黃營不會退縮,衹是阿爺在出警告信,到時雷厲風行解決措施,唔好話發壬咩事!
  • 回覆 | 引用 | 舉報
  • 東方西方發表於 2020-4-17 07:19 PM via app
  • #4
  • 人家郭大律師親口講為了阻止國歌法通過,所以這樣做。這個作者是蠢還是壞?
  • 回覆 | 引用 | 舉報
  • 逍遙子發表於 2020-4-17 05:34 PM via mobile
  • #3
  • 致本文作者:
    當然唔係!
    建議閣下去看看冼國林師傅的視頻!
    看完再說吧。
  • 回覆 | 引用 | 舉報
  • 無住發表於 2020-4-17 03:54 PM via app
  • #2
  • 喜訊!
    看新聞得悉有一家名字“保護傘”餐廰在台北開業,專門收容從香港走路去台灣的黑衣暴徒曱甴。
    在此衷心祝賀此店大展鴻圖,多開幾家分店,盡量多收黑衣暴徒曱甴,讓他們可以在台灣從此安居樂業,落地生根,開枝散葉,永遠過着台式民主的生活!
    還有,最重要是千祈,千祈,千祈唔好再返香港累街坊!!!
  • 回覆 | 引用 | 舉報
  • 只看作者回應
  • 查看全部回應
  • 順序
  • 倒序
最緊要健康
精選文章
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ