魚缸博客 | 邊位師兄今日咁firm用103蚊入左7709？咁咪變左四倍南方海力士！

　　喂，邊位師兄今日咁firm，竟然用103蚊入左一手兩倍南方海力士(07709)，大癲！

 

 

　　博客同班同事討論，以及睇返今日成交，呢個係一開市之後第三個成交，個故事好大機會就係：一開市頭一秒未有人掛賣盤，而有位掛賣盤嘅師兄「肥手指」入錯價，本來應該都打算取消啦；但又有位另外一位師兄（或者係高頻交易）心急過頭，用市價盤打算接盤，所以就「啱啱遇著剛剛」，就用103蚊買左一手。

 

　　咁原本係兩倍做多海力士，無啦啦變左四倍做多（前一日收市價係$25.36)，笑死。

 

　　所以話，邊使去賭場，香港地呢個股票市場，一開電腦就可以入場，睇你夠唔夠膽賭，昨日25蚊你敢入，今日都去到40蚊，每手執15、6蚊。

 

　　有分析表示，韓圜與日圓之間的相關性引發了外界猜測，韓國和日本的外匯監管機構可能已介入市場。

 

　　有政府干預入市，今日亞洲股市都全線反彈，日經又升緊2700點，韓股都升緊700幾點。話說兩頭，其實呢次韓股都算係「股災」，但香港呢邊都無太大感覺，成個亞洲市場都未算太過恐慌，可能大家都經歷過咩係真正「股災」，呢種跌個10幾個%反而無乜太大感覺，今日7709都升五成幾啦，你話啦。