《魚缸博客》如果早幾日有睇博客出文,跟手買隻優必選(09880),今日你就發達啦
!唔係話博客Gel頭,有北水追嘅股份好少話炒唔起,更何況呢期AI、機械人概念炒得咁系
列,有理無理搵到錢先係真理。
上次都講過,優必選近期佳作就係汽車機械人-聽聞係蔚來到幫緊手造車;不過佢公司嘅
機械「Walker」犀利之處,就係可以多場景運用,例如倉務、娛樂之類。博客第一時間想
到,即係如果呢類場景成熟,佢係好大機會可以進入民用階段,即係包辦屋企家務,不過都要睇
佢定價而決定,如果一萬幾千一個,中國市場都仲可以消費得起。
另外,公司都有做商務、養老扶助機械人,即係例如餐廳送餐、智能代步機械人,呢類係市
場有需求,即係公司本身已經有盈利產品。
不過,唯一注意就係公司盤數都仲係負緊,22年全年虧損9﹒7億人仔,去年中期虧損緊
5億幾人仔,不過科技公司特色就係「蝕」,到真係有盈利個陣個股價你都追唔切。
Any肥,如果有聽博客講早幾日有入,建議將個本套現先,或者全部食胡先講,畢竟由
100蚊炒到300蚊,都已經肥過肥仔水,同時風險都好高,有胡要食先係真理!
《編者按》本欄搜羅即市傳聞,惟消息未經證實,《經濟通》亦不保證內容之準確性。
【你點睇】烏軍攻入俄國庫爾斯克州近兩周,並炸毀兩座重要橋樑,你認為俄烏戰爭會否急劇惡化?► 立即投票