《魚缸博客》Ｄｅｅｐｓｅｅｋ改變ＡＩ？繼續買晶片股！衝啊！

　　《魚缸博客》今日真係重點消息頻出，其中就係ＤｅｅｐＳｅｅｋ推出即上蘋果中國區榜首
，呢個ＡＩ有幾咁強大？博客同你分析下。
　
　　而家幾個主流ＡＩ（Ｏｐｅｎ　ＡＩ、Ｍｅｔａ　ｌｌａｍａ）係用緊網絡神經技術，即係
佢好似一個大腦咁，有萬億個記憶點，你每問一條問題，佢就用ＧＰＵ算力去訪問每個記憶點，
搵一個最適合答案（同時都會訓練埋），所以主流ＡＩ都係「堆算」，算力越高，訪問嘅點越快
，誤差值越少，答案越準確。
　
　　Ｄｅｅｐｓｅｅｋ點玩呢？佢係用一個叫（ＭｏＥ）模組，佢都係有萬億個記憶點，但通常
Ａｃｔｉｖａｔｅ得幾百億個。佢將唔同嘅萬個記憶點，每三百幾億分割成一個「專家」，然後
條問題需要幾多「專家」，就搵出個堆「專家」將其綑綁埋一齊，然後幾個專家「自行對話」，
最後生成答案。
　
　　用人話講，例如你問１０＋２１＝幾多，Ｏｐｅｎ　ＡＩ、Ｍｅｔａ　ｌｌａｍａ佢地就會
行晒成個圖書館，逐本書搵，就算搵到答案都繼續搵，直到成個圖書館行完先俾答案你；而
Ｄｅｅｐｓｅｅｋ玩法就係，去圖書館、數學書個欄，搵「小學加法」＋「小學數學」兩本書俾
你，兩本書自己對話，對話完得一個答案。（好似Ａｌｐｈａ　ＧＯ捉棋一問一答模式）
　
　　點解ＤｅｅｐＳｅｅｋ炸爛左個ＡＩ市場？因為洋人一路當「堆算力」係金科玉律，笑中國
ＡＩ落後、無晶片做唔到ＡＩ；而家ＤｅｅｐＳｅｅｋ換個玩法（模組），只係用你洋人１％嘅
成本，就做到你用幾百億開發做到嘅事，雖然係可能無ＯＰＥＮ　ＡＩ咁強大，但已經足夠做到
你八九成的東西，甚至可能講係改變ＡＩ往後條路點走。
　
　　換個說法，即係神州晶片某程度上可能自給自足，因為ＤｅｅｐＳｅｅｋ個種算法對晶片需
求無咁大，亦都唔會俾美國禁令嚇倒。中國晶片股可能因為呢個ＡＩ算法推出而看好，未來幾個
月有得炒！繼續買晶片股！衝啊！
　
《編者按》本欄搜羅即市傳聞，惟消息未經證實，《經濟通》亦不保證內容之準確性。